-दीपक जडित
चौरासी ब्यञ्जन त धनीका हुन्छन ।
गरिबको मुखमा कनिका हुन्छन ।
कताको दौरा खै कहाँ हो सुरुवाल ,
आङ ढाक्ने धरो नि 'जनि'का हुन्छन ।
सुनाउँ न भन्दा नि सुन्नेलाई झर्को ,
गरिबीका कुरा नै ननिका हुन्छन ।
खाद्यान्नको अहिले पो अभाव भो रे ,
हाम्रा त रोजै छाक 'बनि'का हुन्छन ।
सरस्वती लक्ष्मी छन ठुलाकै घर ,
झुप्रा'बास त राहु, शनीका हुन्छन ।
भोकसंग लड्नेलाई देशका कुरा ,
जे सुन्यो त्यही ए ! हो त निका हुन्छन ।
नबले पछि गरिबलाई 'दीपक',
अँध्यारै बरु ठिक छ निका हुन्छन
-अलास्का, अमेरिका
No comments:
Post a Comment