गजल

-यात्री शेखर

भावनाको कुरा गरी घाम-जून छुने मान्छे

पिरतीका कुरा गर्दै पराइ आफ्नो हुने मान्छे

बगरमा भेटिएका सुनै सुन का टुक्रा जस्तै

चम्काउन आफैलाई कसी लगाई धुने मान्छे

जिन्दगीको यात्राभरी साथहरू कति कति

दुःख पर्दा अरुलाइ, आफु पनि रुने मान्छे

देखासिकी चालवाजी नजानेको शायद छैन

बिनासित्ति कहीलेकाही कठोर पनि हुने मान्छे

मन माथि मनै मन रीसराग नराखेर

दायाँबायाँ जता ततै आफ्नै आफ्नो हुने मान्छे

-तकुवा -७, मोरंग