गीत

रहर पनि गुम्यो ...

-डिआर निश्छल
रहर पनि गुम्यो मेरो बैश पनि सुक्यो मेरो
ओईलायो जीबन अब भाग्य पनि भयो टेढो

दु:ख मेरो बाच्ने आधार सुख भन्ने कस्तो होला
भित्र भित्रै दुखिरहन्छ हानिरहन्छ झड्के सोला
बसन्त पनि छैन मेरो बहार पनि आएन मेरो
ओईलायो जीबन अब भाग्य पनि भयो टेढो

रूदा पनि खिसी गर्छन हात दिने कोही हुन्न
धरापमा पर्दा माया कठिन भयो जीबन जिउन
हासो मेरो क्षण भरको आशु सधै साथ मेरो
ओईलायो जीबन अब भाग्य पनि भयो टेढो

रहर पनि गुम्यो मेरो बैश पनि सुक्यो मेरो
ओईलायो जीबन अब भाग्य पनि भयो टेढो

-महेश्वरी -२, खोटांग
हाल: भिक्टोरिया