गजल

-सहिशा घिमिरे
कोही-कोही आफुलाई, सारै सुन्दर ठान्छन् यहाँ
तपाई भन्ने नहुदा नि, आफै मपाई मान्छन् यहाँ

प्रत्येक पाइला प्रेमिकाका, फरक मुहार चिहाउँदै
गल्ती छोप्न दिनदिनै, मन्दिर तिर जान्छन् यहाँ

माया भन्ने शब्दलाई नै, पलपल जिस्काउँदै
लाजै छैन मर्ने-बाँच्ने कसम, सँङ्गै खान्छन् यहाँ

उमेरको हेक्का छैन, बुढेशकालमा बैँशालु मन
कुरा सँङ्गै लहराउन, सोझासाझा छान्छन् यहाँ

कोही छैन तिमी बाहेक, त्यो नजरको प्यासी भएँ
यस्तै भनी कोमल मनको, कोमलता लान्छन् यहाँ

-चाबहिल ,काठमांडू