गीत

मेरो देश

-कृसु क्षेत्री
मेरो हरसासमा हिमाली बतास छ
मेरो पसिनामा तर्राईको सुवास छ
जहासुकै जन्मे पनि जहांसुकै हुर्केर पनि
मेरो प्रत्येक अंगमा नेपालकै बास छ ।

न काला गोरा रंगभेद, न कुनै जातिभेद छ
न धनी गरिव बर्गभेद, न कुनै वर्णभेद छ
मन्दिर, मस्जिद, चर्च वा गुम्बा जहां पनि
आफ्नै नेपाली सद्भावको आभाष छ ।

बुद्धको जन्मभूमि, सीताको माइतीदेश मेरो
वीर सहिदको रगतले संरक्षित देश मेरो
एक नारीपुरुष, अनेक संस्कृति भाषा भेष छ
समुन्नत नेपालको मात्र एउटै प्यास छ ।।