गीत

कति नै पो बाच्दो रैछ

-देवेन्द्र सुर्केली खापुंग

कति नै पो बाँच्दो रैछ चोखो माया छातीभित्र

बाँच्नेहरु बाँचेका छन् मात्र झुटको ताँतीभित्र ।

मन छ भनेर नै माया उतै छाडेको थिए

माया ठूलो भनेर नै जीवनसित गाभेको थिए

लाखौ विन्ती गरेकै हो पुगिनछु भाँतीभित्र

बाँच्नेहरु बाँचेका छन् मात्र झुटको ताँतीभित्र ।

हृदयमा खाटा बोकी भन्दैछु म कहिले नरुनु

तिमीजस्तो म भईन तिमी कहिले म नहुनु

यस्तो पनि हुँदो रहेछ हाम्रो एउटै जातिभित्र

बाँच्नेहरु बाँचेका छन् मात्र झुटको ताँतीभित्र ।

-मलेसिया