Thursday, December 25, 2008

गजल

-बसन्त अबिरल
कयौ जङ्घार तर्नु थियो पुलमै अड्केको छु,
पारि जाउ कि वारि बसौ भुलमै अड्केको छु।

टप्प टिपि शिरमा लाउदा बात लाग्ने हो कि,
नटिपे झन दाग लाग्ने फुलमै अड्केको छु।

नदेखेकै जाति हुन्थ्यो देखे पछि प्यास बढ्ने,
पिउ कि नपिउ तिम्रो जोबान मुलमै अड्केको छु।

जात पात धर्म सस्कार बाधा बन्ने हो कि,
लाउ कि नलाउ चोखो माया कुलमै अड्केको छु।

न मागेर लान मिल्ने न भागेर जान मिल्ने,
यस्तै यस्तै प्रबासको हुलमै अड्केको छु


-तिलहार,पर्बत
हाल: मलेसिया

No comments: