कबिता

नेता बन्नुको के अर्थ ?

-गीता थापा

कुम्लो र कुटुरो बोकेर

जब अघि बढ्छु

आफै हाँस्छु आफैलाई देखेर
अनि धिकार्दै आफ्नै भाग्यलाई

रुन्छु पुर्पुरो ठोकेर ।

हार गुहार माग्न जाउँ बोल्दैन सरकार

बसेको छ मुखमा ताल्चा ठोकेर

आफ्नै जन्मभूमिमा छैन -

मलाई टेक्ने मेरो नाउँमा माटो

आज मेरो तमासा हेर्दैछ -

सधैं आफू हिंडेको बाटो ।

चुपचाप कसरी सहुँ ?

लालाबाला रुन्छँन भोको पेट मिचेर

हे दैब ! कस्तो मन हुन्छ त्यो कुर्सीमा बस्नेको

कहिल्यै दुख्दैन किन उसको त्यो मन ?

हाम्रो दुर्दशा देखेर ।
कहाँ गएर मागूँ नियाँ ?

आफ्नैले अन्याय गरेपछि

सतिले सरापेको देश मेरो

रावणको राज भए पछि ।

धिक्कार छ तिमीलाई नेपाली भै

नेपालीकै दुर्दशा हेर्छौं

चुपचाप छौ आफनै आँगनमा

अरुले नाङ्गो नाच नाँच्दापनि ?
कसरी भन्छौ 'नेपाली' भनी

बोल्दैनौ किन ?

आफ्नै चेली माथि गिद्दहरु

आँखै अगाडि झुमिदा पनि ।
आफ्नो पेट्को मात्र

चिन्ता तिमीलाई हो भने

तिमी नेता बन्नुको के अर्थ ?

त्यो सुख र सुबिधालाई मात्र हेर्छौ भने ।
के नै अर्थ भयो र मान्छे भैं जन्म लिनुमा

जन्मनुको कुनै औचित्य हुन्न

अरुलाई रुवाएर खानुमा ।

-इजरायल