कबिता

सिमानाहरू

-दिलिप योन्जन

सारिएका सिमानाहरु पुरानै डोबमा गाड्नु छ

खुम्चिएको देशको नक्सा फेरि नयाँ कोर्नु छ

टिष्टा र कांगडा फिर्ता लिन लड्न बाँकी नै छ

उठ है उठ युवाहरु हो, देशको मुहार फेर्नु छ ।

सन्धि र सम्झौतामा मेरो देशको माटो हराइरहेछ

कहिले कोशी कहिले गण्डकी पटक पटक बिक्री भैरहेछ

देशमा बिदेशीको हावी दिन दिनै बढ्दो छ

उठ है उठ राष्ट्रप्रमी हो, फेरि वीरता देखाउनु छ

उठ है उठ युवाहरु हो, सन्धि र सम्झौतामा फेर्नु छ ।

हिमालमा हिउँ रहिन्जेल एक थोपा रगत भइन्जेल

गल्ने छैनन् यी हातहरु गोली हाने नि भालाले रोपे नि

माटो नै रंगाउने छु रगतले झुक्दैन कहिल्यै मेरो शीर

उठ है उठ देशभक्तिहरु, एक जुट हुनु छ देशका शक्तिहरू

उठ है उठ युवाहरु हो, राष्ट्र र राष्ट्रियता बचाउनु छ ।

-अस्टिन, अमेरिका