गजल

-टंक चन्द

त्यो जवानी देखे पछि जुन रोयो सानु

सडकमा बगेको त्यो खुन रोयो सानु

उराठ लाग्दो तिम्रो पहिरन देखेर नै होला,

बिरह र बेदनाले धुन रोयो सानु

सङ्गै मर्ने बाच्ने कसम खाए जीवनको,

बैसाकी नै भाचिदिने, कुन रोयो सानु ?

गाला भरि झुन्डिएको बेदनाको पोको,

सन्दुसमै लट्किएको सुन रोयो सानु

बिधवाको दिनचर्या हरेक दिनको सास्ती,

छर्पस्टिएको भित्ता भरि चुन रोयो सानु

-तुलसीपुर -९ बेलुवा, दाङ
अध्यक्ष अनेसास, मलेसिया शाखा