साहित्य-सागर: गजल

Friday, May 15, 2009

गजल

-गोबिन्द प्रसाद उपाध्याय

बेमौसममा प्रीतको खेती गरे पछि के गर्ने ?

अटुट बन्धन तोडी जान खोजे पछि के गर्ने ?

पवित्र गाँठो पारी सङ्गालेको प्रीतमा

बिनाशरुपी धमिरा लागे पछि के गर्ने ?

मन मन्दिरमा कसम खाई साथ दिन्छु भन्नेले

छुरा रोपी पिठ्यूँमा घात गरे पछि के गर्ने ?

पछ्यौरीले आँशु पुछी 'म छु' भन्नेलाई

आफ्नै रुप रङ्गको मात लागे पछि के गर्ने ?

न्यानोपन दिई छुट्टै संसार बसाउछु भन्दा

तातो हावाको राप लागे पछि के गर्ने ?

-सिटिजन बैक ईन्टरनेशनल लिमिटेड

काठमान्डौ

ईमेल: gobi31@gmail.com

4 comments:

Unknown said...: Gobinda Daju, Sarai ramro lagyo........bishesh gari antim dui line sarai ramro lagyo.........Badhai chha daju ko sahitya srijana ko lagi ....ur bro Kriti, Doha; May 17, 2009 at 6:03 AM
prabha said...: gobinda, shrijanako saugat raamro chha.aba yasari nai sangai hatemalo garera hidna sakau,best of luck rachna sadhai atut rahos.; May 17, 2009 at 1:43 PM
Gobind Prasad Upadhyay said...: This comment has been removed by the author.; May 21, 2009 at 12:57 AM
Gobind Prasad Upadhyay said...: Dahnyabad hajur haru lai.yesai gari prerana denu hola
bye; May 21, 2009 at 12:58 AM

Post a Comment

प्रतिकृया गर्नोस् है त!

साहित्यसागर ब्लग भ्रमण गर्नु हुने सम्पूर्ण साहित्यिक सर्जक तथा साहित्यानुरागी महानुभाबहरु,

छोटो समयमा नै तपाईंहरुले हाम्रो अभियानलाई सार्थक बनाउन गर्नु भएको मद्दत्,सहभागिता र बिश्वासले हाम्रो उत्साहमा थप उर्जा प्रदान गरेको छ । उच्च कोटीको कार्य जहिले पनि बिशिष्ठ स्थान मै रहन्छ ।यो यात्रालाई निश्चित गन्तब्य सम्म पुर्याउने श्रेयको सच्चा हकदार तपाईं सर्जक,पाठक भन्दा अरु कोही हुनै सक्दैन ।
साहित्यको यो अथाह सागरमा सिर्जनाका असङ्ख्य मोती फूलाउने तपाईं सर्जकहरुको मन र यसका इमान्दार पारखीहरुको पवित्र आँखा यी दुबै हाम्रो प्रयासको प्रतिरुप हो, जसले नेपाली भाषा साहित्यको श्रीबृद्दीमा एउटा प्रयास सफलीभूत हुनेछ भन्ने ठम्याइ रहेको छ हाम्रो ।

ब्लगलाई अझ बढी परिस्कृत , स्तरीय र तपाईंहरुको लागि नयाँ-नयाँ साहित्यिक खुराक पस्कने अभिप्रायले अब देखि (जनवरी २००९) हरेक महिना नेपाली साहित्य साधनाको क्षेत्रमा कृयाशील एक जना श्रस्टा (जसको यो ब्लगमा रचना प्रकाशित हुन्छन्) को साहित्यिक सेरोफेरोलाई "स्रस्टासँग अन्तरङ कुराकानी" मार्फत प्रस्तुत गर्दै लैजाने जमर्को गरेका छौ ।आशा छ-तपाईंहरुले हामीलाई उचित सरसल्लाह्,सुझाब र प्रतिकृया दिनुहुनेछ । जसको लागि ईमेल ठेगाना छ -
rainischhal@yahoo.com
sahityasagar89@gmail.com
sungava89@yahoo.com