-घायलश्री
लेखेको छु एउटा गजल मात्र तिम्रा लागि
लेख्दा नयन भए सजल मात्र तिम्रा लागि
मैले त भोगेको छु झुपडीका ब्यथाहरु
यहाँका सारा महल मात्र तिम्रा लागि
सिउँडी र तितेपाती मेरा सहयात्री हुँदा
पोखरीका सुन्दर कमल मात्र तिम्रा लागि
पुरा होलान् या नहोलान् मनका चाहहरु
रबी छुने मेरो रहर मात्र तिम्रा लागि
आऊ राज गर यो दिल खाली छ
मन भित्रको सिंगो शहर मात्र तिम्रा लागि
नभन्नु 'घायल' ले साहित्यको उत्थान गर्यो
कनी कुथी लेख्ने पहल मात्र तिम्रा लागि
-पर्वत
No comments:
Post a Comment