-नेपोलियन मरहट्टा
ईतिहास मै नलेखिएको काहानी बनाइदिन्छु म,
निचोरेर साहित्यलाई पानी-पानी बनाइदिन्छु म ।
जस्तो सुकै खडेरीमा पनि गजल अँकुराउने,
मेरो घर छेउमा एउटा बागबानी बनाइदिन्छु म ।
भोलि देखि शहर-बजार मान्छे भई हिड्छ गजल,
प्राण भरी त्यसमा अझै जवानी बनाइदिन्छु म ।
मोफसल मै बसी बसी तीर् हान्छु उपत्यका,
गजलबाटै युद्ध छेडी खरानी बनाइदिन्छु म ।
कस्ले भन्छ काठमाडौंमा, मात्रै गजल खेती हुन्छ ?
चितवनलाई त गजलकै राजधानी बनाइदिन्छु म ।
चितवनलाई त गजलकै राजधानी बनाइदिन्छु म ।
-चितवन
No comments:
Post a Comment