-भावना पोखरेल
अमृत नै रोप्दा पनि अमृत फल फलेन हजुर
ढाल्यौं बाहिरी तानाशाहा आफू भित्रकै ढलेन हजुर ।
समानताका कुराहरु डिनर लञ्जसँगै खायौं
गोलीको घाउमा डण्डा बस्र्यो हाम्रो पानी चलेन हजुर ।
टुटे पहाड भनिएका झुके देउता बन्नेहरु
बरफ बन्छु भन्छ आगो यथास्थिति गलेन हजुर ।
चियाउँदै छन् दुलैबाट आधा जलेका साँपहरु
हाम्रा सपना जल्न थाले बेथिति यो जलेन हजुर ।
कहाँ सक्छन् भोकै बस्न बरु बिक्छन् ठूलाघरे
बरु काटिए हाम्रा हात कसैको पाउ मलेन हजुर ।
-ठमेल, काठमान्डौ
1 comment:
भावना जी,
ताकी ताकी हानिरहेछ, कुसंस्कारले हामीलाई
लाग्छ भनेर देख्दा देख्दै पनि छलेन हजुर
कति कति विरोधका, राँकोहरु सल्काउँ भन्थे
देख्दा ज्वाला थियो नै तर, मनबाट बलेन हजुर
कसलाई पोख्नु र यो व्याथा सारा नेपाली माझ
ठूला के दोष सानो नि माथि गएर कम दलेन हजुर
desunone@yahoo.com
Post a Comment