गजल

-अनिता वाग्ले

फेरि तिमीलाई सम्झिएर रुन्न अब यो अनिता

तिम्रो प्रेममा पागल जस्तो हुन्न अब यो अनिता

जती खानु खाइसके पिरतीमा चोटहरु

बिरहमा आशुले मन धुन्न अब यो अनिता

काला गए गोरा आउछन मेरा अघि पछि लाग्ने

फेरि फर्की तिम्रो तस्वीर छुन्न अब यो अनिता

बैस हुँदा ऐश हुन्छ खुट्टा भए जुता कत्ती

जानी सकी आफ्नो बाटो चुन्न अब यो अनिता

या त जलोस् तिम्रो चित्ता या खरानी म भए पनि

चाहदिन तिम्रो बोली सुन्न अब यो अनिता

हाल: सिङ्गापुर