कबिता

जून

-अनमोल मणि
त्यों जून
तिमीले हेर्दा तिमी जस्तै हुन्छ
एक्लो एकान्ते
बादल जस्तै उड़छ सम्झना
र पानी जस्तै दर्किन्छ पीडा
तिमी भित्र पनि र म भित्र पनि ,
उस्तै छ आकाश
तिम्रै मन जस्तो चौडा
तिम्रै अनुहार जस्तो चम्किन्छन हर रात ताराहरु
र लजाउछन एक अर्का संग
त्यसैले त्यों जून
तिमीले हेर्दा मै जस्तो हुन्छ
र मैले हेर्दा तिमी जस्तै हुन्छ
बैशको गल्छेडामा उभिएर सोचिरहेछन
कुमारीहरू
साच्चै त्यों जून
प्रेमी जस्तो हुन्छ कि प्रेमिका जस्तो ?