गजल

-रुद्र मिश्र
दाजुभाइ मिलेर देश चलाउनुछ जरुर अब
रीस,राग र द्वेष जलाउनुछ जरुर अब

सयौ हात मिलाउदै एउटै मुठी बनाएर
श्रीजनशिल फसलहरु फलाउनुछ जरुर अब

खडेरीले सताउदा कलिलैमा सुक्ने हुँदा
पानी लगाई पातहरु पलाउनुछ जरुर अब

नियतीले दिने कष्ट सहेर नै भए पनि
हिन्सारुपी पर्खालहरु ढलाउनुछ जरुर अब

पहराको छातीभित्र फसलहरु फलाउन
चट्टानहरु पाखुरीले गलाउनुछ जरुर अब

-नागिन-१,पाचथर