आच्छु छू ..छू..छू डायस्पोरा
-बियोगी काइला
काम्दै थर-थर बातवरणमा इतर
पर्देशै परदेश त हो जीबन
बुझ्नु पर ...देश
अलिकति पर एउटा जिन्दगी
धेरै पर ..... देशमा हुनु
छाना, भित्ता, बलेसी ,आगन ,कौसीफुल
टाढा हुनु , छुट्टीनु, छूट्टीदै छुट्टीनु
सम्बंधका किला दाम्ला चुडेर
सेकाउनु चुडाएर मुटु
सरंग मुनि भरमा तप-तप
सिंग्रिंग जिउमात्र भएर परदेशी
चपाई बस्छ ,चेपेर परिस्थितिको गिजाले
चलाई बस्छ बिबसताको जिब्रोले
निचोरेर समयले पल पल !
छोक्रा मात्र जीबन बोक्रा मात्र डायस्पोरामा
चाप फूल्यो बन सेतै
जिउ मात्र यता मन तेतै
संगीतको कोलाजभित्र अन्तस्करण
यही आकाशमुनी तेही भुगोलमा
परदेश त पिडाको जंगल हो
जहाँ थुप्रै रुखहरू झ्यागिएका हुन्छन्
सुकेर खस्नु मात्र स्वभिमानका पातहरु
सुनामी र क्यास्त्रिना बिच भूमरिमा
जोहो गर्न गार्हो छ -फलाउन जिन्दगी
घाम नभेटर पहेलो पहेलो बाच्नु
निस्पट्टा दु:खको जंगलमा
फर्कन नसकेका निर्बासित चराहरू /परदेशी मनहरू
बुन्नु मखमली सपना देखेर
खस्नु फद्केबाट म्रिगमरिचिकाको
उमेरहरू बेच्नु मात्र
बगाउनु पसिनको तमोर
श्रम र सीपको खिया लगनु
उचाल्नु अरुलाई माथि
हाम्रो बुद्दी बस तेती
टेकेर यात्रा गर्नु अखाटोमा आफै कपेर
भन्ज्यांगको चिसो बतास -पेंगकर उक्लनु
सिरेटोले जिउमा हात हालेर जान्छ
मिनापचासको बिदा हो -डायसपोरा
कक्रिएर जिउ मार्काउन नसकिने तन्काउन
साइबेरियाको ठिही भन्दा हुन्छ
आच्छु ! कति जाडो हो -परदेश
शहीदको रगतले कोरेको रुपरेखा
रंग भरू तेल्चित्रमा मनोहर -भन्छु
घुम्नु -चढ़नु हिउको आफ्नै टाकुरामा
कुन बाली फल्दैना र! आफ्नै पाखुरामा
आउछ सहकाल पसिना बगाएर बंजर भूमिमा
परिश्रम गरे फल्छा सुन पनि मातृभूमिमा
नबुझेरै थाहामा लागेको लै लैमा
(पिरशाला) परदेश त
भग्नावशेस जिजीबीषाहरु बटुलेर
गाली गर्नु जस्तो युयुत्साले
थुइक्का: परदेश
छ्या : परदेश
छि : परदेश
घ्रिनाको जंगल बाट फर्क
न्यानो मातृभूमिको काखमा
निर्बासित मनहरू /अभिशप्त सपनाहरु
पर्खिरहेछ सेतै फुलेको सगरमाथा
फर्क ! श्रम , सीप र जागरहरू
फर्क !! पाखुरा र पसिनाहरू
फर्क !!! अस्तित्व र स्वाभिमानहरु
आच्छु कति जाडो -डायस्पोरा
-पौवासार्ताप-३, पाँचथर
हाल : मलेसिया
Tuesday, October 21, 2008
Subscribe to:
Post Comments (Atom)
No comments:
Post a Comment