-नेपोलियन मरहट्टा
तिमी मेरो जिबनबाट छुटेपछी पो याद आयो,
बाचा कसम पनि सारा टुटेपछी पो याद आयो ।
एक बूँद आसुँ भित्र पनि प्राण हुँदो रैछ,
आज आफ्नै अश्रुघडा फुटेपछी पो याद आयो ।
तिम्रो चाहनाको शिखर मैले चढ्नु पर्ने थियो,
मनमा बेग्लै सगरमाथा उठेपछी पो याद आयो ।
प्रयाश्चितमा सोच्दै छु म,मेरै भुल थियो कि त ?
तिम्रो नाम अर्कै सँग जुटेपछी पो याद आयो ।
तिमी साथ भईन्जेल अति सुरक्षित थिएँ म,
आज सारा दुनियाँले लुटेपछी पो याद आयो ।
-चितवन
No comments:
Post a Comment