म त तितेपाती
-घायलश्री
तिमी फूल लालीगुराँस म त तितेपाती
तिम्रो हातको पानी मिठो म त तल्लो जाती ।
बिहानीको घाम तिमी लामो यात्रा गर प्रिया
सन्ध्याको सूर्य म त हेर डुब्नै लागे प्रिया
हाम्रो माया छुटाउने समाज यो घाती
तिम्रो हातको पानी मिठो म त तल्लो जाती ।
मनैभरी फुल्छौ तिमी म त सधैं तितो
मैले छुदा चोख्याउने फुकी पानी छितो
मुस्काउने दिन तिमी रातको म साथी
तिम्रो हातको पानी मिठो म त तल्लो जाती ।
-पर्वत
No comments:
Post a Comment