कबिता

मेरो अपिल

-आचार्य प्रभा

चाहे तिमी मेरो नयनको

'अबिरल' बग्ने आँशु नै बनी देऊ

चाहे तिमी मेरो अधरको

खुशीको मुस्कान नै बनी देऊ

तर ...तिमी बनी देऊ

मेरो हर एक्लो पलको साथ

अनि देऊ तिमी मलाई मेरो

कमजोरीमा सहारा रुपी तिम्रो हात

जिउन त जिएकै हुँ म

कहिले लड्दै उठ्दै

आँशु र हाँसो पनि संगालेको हुँ

मनलाई स्थिर गर्दै,

जब... आयौ तिमी मनको सँघार नाघी

फुल्न थाले आशाहरु

मनका कुनामा ठाउँ मागी

जब छायौ तिमी मेरो जीवनमा

पुर्णेको जून बनी

मैले पनि मान्न थाले तिमीलाई

मेरै मनको देव भनी ।

चाहे तिमी मेरो

मनको तृष्णा नै बनी देऊ

चाहे तिमी मेरो बिछोडको

घाउ नै बनी देऊ

तर.... हर मेरो रुझेको पलको

आश्वासन रुपी भाव बनी देऊ ।

-अमेरिका