गीत

भुल यहाँ

-गीता थापा

भुल यहाँ कति कति नबुझी दिए हुन्छ

दु:ख यहाँ कति कति नसोधी दिए पुग्छ ।

केलाई भन्ने खुशी यहाँ केलाई भन्ने दु:ख

बुझ्नै गाह्रो रहेछ संसार झनै बुझ्न प्रित

पाउदा खुशी होकी सुख नपाउदा हो दु:ख

बुझ्न गाह्रो रहेछ संसार झनै बुझ्न प्रित ।

नदेउ मलाई बाचा कसम भुले मुटु दुख्छ

झुटो प्रिती लाउनु भन्दा पराइ सोचे पुग्छ

तस्बीर किन चाहियो तिम्रो जुन तारा हेर्छु

तिम्रो याद आयो भने आँफै भित्र खोज्छु ।

हाँसो किन चाहियो मलाई दु:ख भए हुन्छ

मिलन किन चाहियो मलाई बिछोड भए पुग्छ

भुल यहाँ कति कति नबुझी दिए हुन्छ
दु:ख यहाँ कति कति नसोधी दिए पुग्छ ।

हाल: इजरायल