छुरीले चिरे नि
-दिलिप योन्जन
दुखियालाई खुशी नमिल्दो रहेछ, जति नै गरे नि
हातको रेखा मेटिन्न रहेछ, छुरीले चिरे नि ।
भिजेको आँखा सुक्दैन रहेछ, जति नै पुछे नि
च्यातिएको भाग्य जोडिन्न रहेछ, भालाले सिए नि
दु:खीको खुशी लुटिन्दो रहेछ, दैब नै लागे'सी
हातको रेखा मेटिन्न रहेछ, छुरीले चिरे नि ।
मनको बाँध फुट्दो रहेछ, चोटै चोट लागे'सी
जिएको अर्थ नलाग्दो रहेछ, मान्छेले हाँसे'सी
दु:खीको दु:ख सकिने रहेछ, माटोमा मिले'सी
हातको रेखा मेटिन्न रहेछ, छुरीले चिरे नि ।
-अस्टिन, अमेरिका
No comments:
Post a Comment