साहित्य-सागर: गजल

Wednesday, April 8, 2009

गजल

-राज लम्साल 'यात्री'

आफ्नो भनी सम्झेका टाढा हुदा रै'छन

अन्जानका मान्छे बरु गाढा हुदा रै'छन

सम्बन्ध र बन्धनलाई लत्याएर अघि

बढी जाने निर्मोही छ्या !छाडा हुदा रै'छन

पबित्र बिश्वासमा कुठाराघात गरी

सम्झौताको कुरा गर्दा सादा हुदा रै'छन

कति फरक नारी बीच हेर्दा उस्तै लाग्ने

कोही फूल गुलाफ कोही काडा हुदा रै'छन

-महारानी झोरा-३,झापा
ईमेल: anjal_raj2003@yahoo.com
हाल: अबुदाबी,यूएई
फोन्: ०९७१-५५-७०१३६२६

No comments:

Post a Comment

प्रतिकृया गर्नोस् है त!

साहित्यसागर ब्लग भ्रमण गर्नु हुने सम्पूर्ण साहित्यिक सर्जक तथा साहित्यानुरागी महानुभाबहरु,

छोटो समयमा नै तपाईंहरुले हाम्रो अभियानलाई सार्थक बनाउन गर्नु भएको मद्दत्,सहभागिता र बिश्वासले हाम्रो उत्साहमा थप उर्जा प्रदान गरेको छ । उच्च कोटीको कार्य जहिले पनि बिशिष्ठ स्थान मै रहन्छ ।यो यात्रालाई निश्चित गन्तब्य सम्म पुर्याउने श्रेयको सच्चा हकदार तपाईं सर्जक,पाठक भन्दा अरु कोही हुनै सक्दैन ।
साहित्यको यो अथाह सागरमा सिर्जनाका असङ्ख्य मोती फूलाउने तपाईं सर्जकहरुको मन र यसका इमान्दार पारखीहरुको पवित्र आँखा यी दुबै हाम्रो प्रयासको प्रतिरुप हो, जसले नेपाली भाषा साहित्यको श्रीबृद्दीमा एउटा प्रयास सफलीभूत हुनेछ भन्ने ठम्याइ रहेको छ हाम्रो ।

ब्लगलाई अझ बढी परिस्कृत , स्तरीय र तपाईंहरुको लागि नयाँ-नयाँ साहित्यिक खुराक पस्कने अभिप्रायले अब देखि (जनवरी २००९) हरेक महिना नेपाली साहित्य साधनाको क्षेत्रमा कृयाशील एक जना श्रस्टा (जसको यो ब्लगमा रचना प्रकाशित हुन्छन्) को साहित्यिक सेरोफेरोलाई "स्रस्टासँग अन्तरङ कुराकानी" मार्फत प्रस्तुत गर्दै लैजाने जमर्को गरेका छौ ।आशा छ-तपाईंहरुले हामीलाई उचित सरसल्लाह्,सुझाब र प्रतिकृया दिनुहुनेछ । जसको लागि ईमेल ठेगाना छ -
rainischhal@yahoo.com
sahityasagar89@gmail.com
sungava89@yahoo.com