गजल

-केदार श्रेष्ठ "गगन"

मलाई छाडी के भो र ! अर्कै माया पायौ होला

धोका दिन मलाई जस्तै झुटो कसम खायौ होला

झुटो नाटक गर्न सक्छौ मेरो अघि रोए जस्तै

रुदै हास्दै उसलाई पनि साउनु सम्म सायौ होला

संगत तिम्रो धेरै गरेँ बुझ्न गाह्रो रै'छ बानी

त्यही बानीले मलाई झै कति बसाइ सार्र्यौ होला

हल्ला थियो गाउघरमा तिम्रो मेरो माया बस्या

झुटो हल्ला गरया भनी दोष मलाई लायौ होला

बाहिर रूप फूल जस्तो भित्र भित्रै खोक्रो रै'छ

'गगन' लाई जालमा पार्न बादल बनी आयौ होला

-भीमस्थान -५, सिन्धुली