कबिता

हे! नेताहरु हो

-डोलेन्द्र पौडेल

हे ! नेताहरु हो

तिमीहरुको खोक्रो आडम्बर

कहिले सम्म भुक्छौ हे,

नयाँ नेपाल बनाउछु भन्दै

नयाँ सम्बिधान लेख्छौ भन्दै ?

हाती आयो हाती आयो

फुस्स भने जस्तै

जनताको आखामा छारो हाल्यौ

तिमीहरु कुर्सी को खेलमानै

ब्यस्त भयौ

जनतालाई शान्ति दिलाउने नाउमा

सत्तामा जान सफल भए पनि

सानै देखि लागेको बानी

तिमीहरुका भरौटे कार्यकर्ता

धम्की दिन छाडेका छैनन्

चोरी गर्न छाडेका छैनन् ...

तिमीहरुलाई बिदेश भ्रमण

बाहेक अरु सोच्ने

फुर्सद नै छैन

अब आफै भन,

कहाँ भयो शान्ति ?

कहाँ भयो नयाँ नेपाल ??

के यही हो तिमीहरुको नयाँ नेपाल ???

त्यो टुहुरो बालक,

ती सिन्दुर पुछिएका नारीहरु,

अनि......

अनि ती छोराछोरी गुमाएका

बाबु आमाहरुलाई

कहिले भयो त शान्ति?

नेता हो याद गर

अब,

फेरि जनहरु

सडकमा उत्रिनु नपरोस्

ढुङ्गा मुढा गर्नु नपरोस्

बेलैमा बिचार गर

हे ! नेताहरु हो ।

-बाग्लुंग