Tuesday, January 27, 2009

गजल

-कृष्ण दर्शन
र्बिसें आफ्नो घर भन्छ्यौ के सम्झन्छौ अरु तिमी ?
मायालाई रहर भन्छ्यौ के सम्झन्छौ अरु तिमी ?

भेट्छ्यौ होला दिन दिनै प्रीति साट्ने साथीहरु
जीबनलाई प्रहर भन्छ्यौ के सम्झन्छौ अरु तिमी ?

तिर्खाएका प्यासहरु पैसा पिई मेटिदिने
सागरलाई सगर भन्छ्यौ के सम्झन्छौ अरु तिमी ?

युगौं युग को यात्रा तिमी रातौं रात पार गर्न
जोवनलाई सहर भन्छ्यौ के सम्झन्छौ अरु तिमी ?

कति सम्म उर्लिएको रैछ बैंश देखिदै छ
सिमसारलाई बगर भन्छ्यौ के सम्झन्छौ अरु तिमी ?

-काठमान्डौ
ईमेल: shresthakrishnakumar@gmail.com

No comments: