गीत

तिम्रो आफ्नो बन्छु

-श्रीपुरुष ढकाल
तिम्रो आफ्नो बन्छु भन्थे
पराई पनि हुन सकिन
सबको आँसु पुस्छु भन्थें
आफ्नै आँसु पुछ्न सकिन

तिम्रो साथ पाउँदा लाग्थ्यो
सारा खुसी, मेरो नै हो
तिमीले हात समाउँदा लाग्थ्यो
सिंगो संसार मेरो न हो
सधै सधैँ हास्छु भन्थेँ
धित मारेर रुन सकिन
सबको आँसु पुस्छु भन्थें
आफ्नै आँसु पुछ्न सकिन

मन्दिर पुग्दा हामी दुवै
एक अर्कालाई आशीष माग्थ्यौँ
छहारीमा सुस्ताउँदै
एक अर्काको पसिना पुछ्थ्यौँ
धेरै नजिक हुँला भन्थेँ
टाढाको पनि हुन सकिन
सबको आँसु पुस्छु भन्थेँ
आफ्नै आँसु पुछ्न सकिन