चाँदमा कुनै
-दिलिप योन्जन
कसरी गरूँ तिम्रो प्रसंशा, चाँदमा कुनै दाग छैन
तिमी बिना यो जुनीमा, जिउने कुनै आधार छैन ।
तिम्रो हासो मेरो खुसी, यसै गरी जिबन बितोस्
सुख त दुईपलको हो, सधै दु:खमा साहारा मिलोस्
कसरी देखाउँ तिम्रो माया, छाती चिरी देखाउँ सक्दिन
तिमी बिना यो जुनीमा, जिउने कुनै आधार छैन ।
तिमी आयौ जिबन पाएँ, सुख शान्ति मिलेकै छ
अर्को जन्म तिमीलाई पाउँ भगवानसंग यही प्रार्थना छ
कसरी भनूँ तिम्रो बारेमा, खोट लाउने ठाउँ छैन
तिमी बिना यो जुनीमा, जिउने कुनै आधार छैन ।
-अस्टिन, अमेरिका
No comments:
Post a Comment