Monday, June 15, 2009

गजल










-नेपोलियन मरहट्टा
छल कपट गर्ने सँग नसकिँदो रैछ हजुर,
सर सापट गर्ने सँग नसकिँदो रैछ हजुर ।

जोगाएर राखे पो त काम लाग्छ अनिकालमा,
सधैं खपत गर्ने सँग नसकिँदो रैछ हजुर ।

बल्ल बल्ल उन्को बचन हार्न नसकेर दिएँ,
साह्रै आपत गर्ने सँग नसकिँदो रैछ हजुर ।

भोलि फिर्ता गर्छु भन्छन् नानाभाँती कसम खान्छन्,
झुठो सपथ गर्ने सँग नसकिँदो रैछ हजुर ।

बर्षौँ भयो अझैपनि फर्काउने त कुरै छैन,
मनै जफत गर्ने सँग नसकिँदो रैछ हजुर ।


-चितवन

No comments: